قصتي مع حبوب السيروكسات

رقم الإستشارة : 7188
نشره : سدرة
بتاريخ : الإثنين, 02 يوليو 2012 - 00:00
آخر تعديل : الإثنين, 02 يوليو 2012 - 04:15
محولة إلى : د.صلاح الدين السرسى
عدد المشاهدات : 3289

انا كنت اكل حبوب السيروكسات لمدة 2 سنتين وشوي  دكتور صرفها لي كانت 25 جرام      وبعدين مالقيت في

الصيدلية 25  لقيت 20  جرام غيروه

 وكلتها شهور وبعدين فكرت اقطعها بالتدريج فكانت الحبة بيضة مقسومة يعني سهل اني اكسرها وتصير 10

جرام

وظليت على حبة 10 جرام لمدة شهر يمكن او اقل مااتذكر بعدين حاولت اقلل الجرعة فكسرت حبة  10 جرام 

صارت

 فتات 3 وكلت من الفتات حبة وحدة  وبعدين تعبت جاتني حالة انسحابية  ماتحملت اعراضها ورحت لدكتور

وشرحت له  حالتي كاملة

بعدين وصف لي حبوب باروكستين  وبعدين اكلتها سببت لي ارق ماقدرت انام  ورحت له مرة ثانية وعطاني

منوم اسمة  AMITRIPTYLINE  HCI 25  جرام  بعدين تركته ورحت حق الدكتور اللي كانت اتعالج عنده

قبل وشرحت له حالتي وعطاني حبوب السبراليكس وقلت له انا تعبانة  فيني حالة انسحابية قال ماياثر  عادي

وبعدين كلت حبة سبراليكس  وجلست اليوم الثاني بغيت اموت حاولت ابحث عن رقم دكتور نفساني في النت

ولقيت دكتورة نفسية وقالت لي انتي فيك حالة انسحابية لازم ترجعين للحبوب السيروكسات  علشان تخف الحالة

الانسحابية واخذت  حبة 10جرام  هي قالت لي

 وخفيت وظليت شهور اكل 10 جرام بس بعدين مدري ليش تعبت وكلت نصة الحبة الثانية 10 جرام

وخفيت شوي يعني الحين صرت اكل 20 جرام

انا ابغى اروح لطبيب نفساني اتابع معه  علشان اقطع حبوب السيروكسات بس مابي ارجع للدكاترة اللي رحت لهم

والاحساء مافية كثير اطباء نفسين

مع اني شرحت لهم حالتي ووصفو لي حبوب ثانية يعني ماعالجوني من الحالة الانسحابية  اقل شي 

   ابغى اسئل كيف يطلق

عليهم اطباء نفسية هم اللي يزيدون حالتنا النفسية سوء  هم اللي يطلق عليهم مرضى نفسيين والبعض هدفهم المال

 فانا ابغى اعرف متى اقدر استطيع ترك حبوب السيروكسات ووين الطبيب اللي اقدر ارتاح معه

 انا ابغى احلل عن نسبة الهمجلوبين في الدم ونسبة فيتامين دال  ابغى اعرف نسبتهم في جسمي هل لهذا الشي سبب

في تعب الجسم  ولمااعرف ان نسبة فيتامين دال ناقص عندي اقدر اخذ فيتامين مع حبوب السيروكسات يعني

مايصير فية تضاد