يقولوا التي هي أحسن

20
السعوديه
اعزب
جامعي
طالبه

مشكلتي انا مع زوجتي اخوي شخصيه غريبه ما عرفت اتعامل معها زي ماتقولون لها شخصيتين بشخصيه وحده يوم لك ويوم عليك مزاجيه 00
تجيك يوم فرحانه ومافي احسن منها ويوم تجيك زعلانه وكاني على راسها000
اذا طفشت منا راحت تدور على مشاكل يعني مثلا في يوم من الايام في العصر كان ولد اخوي الصغير عند اختي طلع عندها زعلان وبعدين جاء اخوي مسرع عند اختي وقال لولده وش فيك قال ليش يابابا تخاصمني بعدها اعترف لي اختي انه زوجته ارسلته عليها قالت له الحق على ولدك اختك تضرب راسه في الارض انا مدري وين هذا التفكير انها بتضرب طفل عمره 4 سنوات في الارض 00
اذا شافت شئ حلو فينا مثل شعري او مكياجي او لبسي او اي شئ عجب الناس كلهم والكل يعترف بهذا الشئ هي لا تقول العكس ويمكن توضح انه ولا شئ مع ان الواقع عكس ذلك00
صوتها هي في التليفون خشن شوي واذا كلمتها بصوتي تقول لاتزينين صوتك مو لايق عليك طيب انا مازينته طبيعة صوتي كذا00
دايما مكالمتها مع اخواتها ان حنا مانحترمها ولانقدرها ولانعطيها اي احترام احيانا ابغى اسولف معها احس انها تغزني بالسوالف يعني سوالفها فيها دق فيني مثل يعني كنت لابسه عدسات تقول لي من يوم مالبستي العدسات انهبلتي 00
تحب تنافق بين اخواني السنه الاولى من زواجها كانت في الدور اللي فوق وكانت وقتها لابسه قميص عريان وفاتحه باب الدور حقها طلع واحد من اخواني يبغى اخوي بالغلط على اساس انه الباب مقفول انصدم لقاها عند الباب انحرج ونزل بسرعه راحت هي قالت لزوجها طبعا زوجها ذاك اليوم ما مسك نفسه راح ضرب اخوي لدرجة انه طعنه بسكين في ظهره وجلسوا 6شهور اخواني مايكلمون بعض والسبب هي طيب كانت سكتت او قفلت على الموضوع00
هي ساكنه معنا في بيت ابوي وصارت مشاكل انها تبغى بيت لحالها وان احنا مضايقينها مع العلم انهم مستقلين عنا يعني لهم شقه بس هي صرحت بالعباره اني انا ما ابغى اعيش معكم ما اخذ حريتي 00
تنازلنا لها عن جزء من الدور اللي تحت بحكم ان ظرف زوجها ماتسمح للإيجار خارج المنزل يعني الدور اللي تحت لها كامل ما عدا قسم الرجال المجلس والمقلط لنا يعني لضيوف البيت عامه وشرطنا انها ماتدخل هذا القسم عشان اخواني يقدرون ياخذون راحتهم لكن العكس صار 00
صار اذا مافيه احد من اخوني تروح وتفتش في المجلس اللي يقعدون اخواني فيه واللي احيانا يتفرجون فيه فيديو تقول انها تبغى ترتب هذي من مسؤلياتي انا واختي وحنا عارفين زين وهي عارفه احيانا اذا سمعت صوتنا في المجلس تجي مسرعه اساعدكم كلها غرفتين ماتحتاج مساعده00
احيانا اذا عصبت من زوجها يعني مثلا رفض يطلعها ويمشيها تجي على ولدها وتحط حرتها فيه تضربه وتعصب على اتفه الاشياء00
واذا طلعنا حنا تزعل تقول ليش ماتاخذوني معكم احيانا نبي نطلع حنا واخواني عشان تكون عائليه وجمعه واحيانا نطلع انا وامي واختي منتزهات نسائيه بس السياره ماتكفي وثاني شئ اي شئ تشوفه او تلاحظه تقول لأخوي سوالف حريم او اي وحده ماعجبتها مره طلعنا مع اهل صديق اخوي اللي اكبر مني في منتزه وبعدها كنا ناوين على مطعم بس الوقت تاخر ورجعنا راح زوجها دق على اخوي وش الحفلات اللي سويتها ليه ما اخذت زوجتي معكم تتمشون وتخلونها طيب حنا مو مكلفين فيها في كل طلعاتنا حنا بعد نبي استقلاليتنا 00
زوجها متغير كل يوم له كلام مره يقول طفشت منها ما ابغاها ومره عادي00
احيانا نقعد بالاسابيع ما احد يفكر يطلعنا وتطلع هي ولا تقول لنا يمكن تبي تاخذ راحتها مو شغلنا لكن ليش بطلعاتنا تسوي لنا مشاكل يعني اذا طلعت هي ما نتدخل بطلعاتها ابدا واذا طلعنا تسال وين رحتوا وش سويتوا وليه ماقلتوا لي 00
تحب المظاهر انا زوجي مدرس قدام الناس انا رحت المكان الفلاني مثلا يكون هذا المكان توه جديد ما احد قد راح له انا اروح المطعم الفلاني انا مدري وش المقصد من هذي السوالف معنا شكلها تحسبنا اننا بنقهر بس والله مافكرنا فيها00
واضح عليها انها ماتحبنا ولا تدانينا وهذا طبيعي بحكم الغيره بس لازم تكزن بحدود 00
تبتكر مشكله ماتدخل العقل يعني العقل الواعي والطبيعي مايصدقه مره من المرات اخوتها كانوا عندها ومانزلنا عندها ذاك اليوم عشان تاخذ راحتها وعشان اولاد اختها بعد00
جاء اخوي الثاني من الشارع يقول انا شفت ولد اختها في الشارع مادخلوه البيت رجعت اتصلت عليها وقلت لها ليه ماخليتي ولد اختك يدخل عندكم بالشارع مستحي راحت قلبتها زعل وانا والله موقصدي بس فهمتها هي اني انا قصدي ماضيفتي ولد اختك واتصلت على اخوي في اليوم نفسه وقالت اختك تدق الباب برجلها وتنحاش وتقول ان ولد اخوي تركته بالشارع وقفلت الباب واتصل اخوي علي وقال لا تتدخلين فيها مالك شغل 00
من كثر ماتسوي مشاكل معنا وتبكي عند زوجها اخواني صاروا يفكرون ان حنا ظلمناها اخوها اعترف لزوجها يقول هذي اختي اعرفها نزلت من عيون زوجتي الدم00
انا مدري على اي اساس حكم عليها بس هو اخوها وادرى فيها00
اذا زعلنا من اختها اللي اصغر منها واحيانا يكون الحق معانا تروح تزعل ولاتكلمنا سواء كان الحق معها او معنا00
عمري ماشفت قصاصة الاظافر بيدينها من يوم ماتزوجت لها 5 سنوات متزوجه وهي ساكنه معنا في البيت اقسم بالله ماشفتها بيدها 00
بس اذا كانت تقص اظافر ولدها00
واذا تحمست وكنا نتابع مسلسل في التلفزيون تاكل اظافرها00

الأسباب المتوقعة لها

يمكن عشان شهادتها ثانوي ولما دخلنا انا واختي الجامعه نفسيتها تعبت لان اخوي دايم يقول لو انك مدرسه كان ساعدتيني ويمكن تشوف اخوي مهتم لدراستنا تنقهر 00
زواج اخوي كان من اختيار الوالد مو من اختياره هو كان نفسه يتزوج مدرسه ودايم يصرح لها يقزل انتي مامنك فايده بس عطني ومشني وماتفكرين الابنفسك يمكن هذا اللي خلاها تكرهنا انا واختي 00
يقول لي ادخلي انجليزي عشانك شاطره فيه وانا رغبتي اصلا بهذا المجال بس هي ماتحب الماده هذي وزوجهايتمنى هذا الشئ ولا قدرت تحققه لان مدة الشهاده حقتها انتهت وماعندها حماس ولا رغبه لدراسه00
المشاكل السابقة المرتبطةبها

بعد كان المهر غالي وهذا يمكن له دور بنفسية اخوني لانهم هم اثنين من اخواني الكبار تزوجوا اخوات من نفس العايله بنفس المهر وكلهم نفس الطباع وكانت رغبة اخواني مدرسات لانهم مدرسين لكن ماصار نصيب رغبة الوالد كانت اقوى لانه الوالد يحب ابوهم00
محاولاتك لحل المشكلة

والله حاولت اني اتقرب منها بس كل مااقرب منها طلعت لي مشكله جديده فصرت ابعد عنها عشان ارتاح نفسيا لان انا من النوع الحساس اللي ما اتحمل اي شئ ابكي على طول الحالي اذا ضايقتني بشئ وما اقول لأخوي لاني حاسه ومو حاسه متاكده انها مريضه وعشان ما ازيد عليها صرت اكتم بقلبي وابكي وبعدها ارتاح00

انا قد ارسلت استشارة عن اختها لكم وانا صراااحه نفسيتي تعبت منهم وعنوان كانت الاستشاره في الاخ مثل يحتذى سااااااااااعدووووني والله اني اتضايق احيانا احس اني انا ظلمتهم واتكدر اذا كانوا زعلانين بس هم مايعترفوون بالخطا دلوني كيف اتعامل مع هذي الشخصيات ورجاء شوفوا استشارة اختها انا ما اتذكر رقمها بس الاسم عشان تكون الاجابه شامله عنهم كلهم00
وآســــفــه على الاطاله عليكم بس ماعندي الا الله ثم انتم اللي الجألهم والله يقويكم وينفع بكم المسلمين00
انا محتااااجه الرد في اقرب وقت ممكن00