اشاعه بتدمر قلبي

مدري بتوصلكم والا لا
كتبت موضوع اليوم ولا لقيته اعتقد لازم يوافق عليه المشرف  والله اني اعيش بالم بسبب هذا الموضوع واتمنى ان القى حل باسرع سرعه لاني خايفه انصدم بقوووه
هذي مشكلتي
قبل كل شئ انا عمري 23 سنه وهو مثلي
سمعت بخطبه ولد خالي لي قبل كم شهر
ومن يومها وانا حالتي يرثى لها بعد ماتأكدت الامر كله إشاعه
قبل كان تفكيري ينقذني كان تفكيري يمشي بطريقه إيجابيه بعد قدره الله
لكن الحين تفكيري مسكر وعقلي مو معي وقلبي ضاع بحبه
الحب عذاب والقهر مايدري عني
من كم سنه وانا اكتب معه بمنتدانا انا اعرفه لكن هو مايعرف اني بنت عمته
كنت اكتب وابتعد عن الفتنه وكنت اعرف ان معظم الي بالمنتدى معجبين في كتاباتي
وهو من ضمنهم رغم ان اكثر كتاباتي بالاسلامي مره ارسل لي رساله اعجاب وشكر
وكان جدآ محترم ورديته وهو قصده بس يشكرني لكن قلت له رساله ثانيه برسلها للمدير
قلت لنفسي يمكن لعب عليه الشيطان ويبي يستغلني
بعدها كتب قصيده ولا وضح مين البنت الي ارسل لها
قصيده تحمل القهر وبنفس الوقت اعجاب وغيره علي
نسيت الامر ومر سنه على الموضوع
ومن كم شهر سمعت انهم تقدمو لي ااااااااااااااه ياليتني ماسمعت
تقول بنت خالتي الثانيه وهي ساكنه بنفس مدينتنا انها قالت لها ام فلان ان فلان تقدم لي
قلت لها ماسمعت شئ ولا جاني شئ وقلت لها مين قالك قالت ام فلان
( وهي معروفه بكثر القيل والقال ) قلت اكيد اشاعه قالت الله يرزقك
بعد هذا الشئ قلت لنفسي لاتفكرين فيه الين يصير الامر رسمي
انتظرت اسبوع توتر مو طبيعي
اسبوعين ماقدرت اتحمل قلت لأختي قالت نفس الشئ شكله اشاعه
قلت لنفسي مافيه دخان من غير نار
قررت اسأل امي بعد حاله حياء غريبه جتني لدرجه انخطف لوني من الحياء وانا اسألها قالت مين قالك؟
لامافيه خبر اكيد اشاعه
والحين مر اكثر من شهرين وقلبي متعلق فيه غصب عني ابي طريقه
يصير عقلي وقلبي يمشي بطريق مستقيم بدون حب وهمي
بس ماني قادره قلبي متعلق فيه تفكيري منصب عليه
عادة احل مشاكل البنات ولازلت بس مشكلتي ماقدرت احلها لاحول ولاقوة الابالله
حاولت استغفر واذكر الله كل ماتذكرته بس عجزت الله يعيني ويصبرني
قرأت البقره بنيه تسخيره لي استخرت الله وبعده حلمت بأخته
ولازلت انتظر احد يفسر لي حلمي
ااااااااااااااااه رجاء لاتقولون حب مراهقين ولا حب يومين
من زمان كنت اتمنى شخص مثله بس اقول لنفسي اقارب لا
وشئ ثاني هو طويل مره وانا قصيره فقلت مستحيل يفكر فيني
لذلك الفتره الماضيه كنت مستبعدته
ابي حل قلبي انفطر ولا هو داري
والأمر الاهم ان اخته انقطعت عني ماعاد كلمتني
الا اخته الكبيره كلمتني مره تبارك لي التخرج فقط
فخفت يحسبون ان الاشاعه طلعت من عائلتنا لانهم في مدينه ثانيه